امریکی گلوکارہ نکی مناج سعودی عرب میں پرفارم کریں گی

ریاض: امریکی ریپر نکی مناج رواں ماہ سعودی عرب کے شہر جدہ میں جلوے بکھیریں گی۔

فرانسیسی خبر رساں ادارے نے حکام کے حوالے سے بتایا ہے کہ امریکی ریپر نکی مناج رواں ماہ کی 18 تاریخ کو سعودی عرب کے شہر جدہ میں کنسرٹ کریں گی جس پر سعودی عرب میں اس قسم کے ہونے والے کنسرٹ کی اطلاعات کے بعد سوشل میڈیا پر طوفان برپا ہو گیا ہے۔

خبر رساں ادارے کے مطابق امریکہ کی مشہور اداکارہ اپنی نئی ویڈیوز بھی لانچ کریں گی۔ یہ خبر ایم ٹی وی کی طرف سے سامنے آئی ہے جس کی تصدیق برطانوی گلوکار لیام پائن اور امریکی ڈی جے سٹیو اوکی نے بھی کی ہے۔

عرب نیوز کے مطابق کنسرٹ منعقد کرنے والے روبرٹ کورکی کا کہنا ہے کہ امریکی گلوکارہ نکی مناج اس شو کے حوالے سے سوشل میڈیا پر بھی کافی متحرک ہیں، جدہ میں پرفارم کرنے کے ساتھ اسی شہر میں قیام بھی کریں گی۔ سب جانتے ہیں نکی مناج عوام کا دل جیتنے کے لیے سعودی عرب پہنچ چکی ہیں۔

اس موقع پر گلوکارہ کا اپنے سوشل میڈیا اکاؤنٹ پر کہنا تھا کہ یہ لمحہ میرے قابل فخر ہے اور یہاں پرفارم کر کے میرا خواب پورا ہو رہا ہے کیونکہ جس ملک میں پرفارم کرنا جا رہی ہوں یہاں کی زیادہ تر آبادی 30 سال سے بھی کم عمر کی ہے جو میرے شو کو پسند کرے گی۔

ٹویٹر پر ایک خاتون نے اپنے تاثرات لکھتے ہوئے کہا کہ نکی مناج اپنے گانوں میں عریاں لباس پہنتی ہے اور الفاظ بھی نازیبا والے استعمال کرتی ہے اور کہا جا رہا ہے کہ وہ عبایا پہن کر سعودی عرب میں پرفارم کریں گی ’’یہ کیا بکواس ہے‘‘۔

دوسری طرف سعودی عرب کی انٹرٹینمنٹ اتھارٹی کی جانب سے کہا جا رہا ہے کہ ایسے ایونٹ سے شہریوں کو تفریح کے مواقع ملیں گے، ملک میں بیروز گار نوجوانوں کو مایوسی سے نکالنے کیلئے بہتری طریقہ ہے۔ شہزادہ محمد بن سلمان نے انٹرٹینمنٹ کیلئے آئندہ ایک دہائی میں 64 ارب ڈالر خرچ کرنے کا فیصلہ کیا ہے۔

یاد رہے کہ ایسے وقت میں کنسرٹ ہو رہا ہے جب شہزادہ محمد بن سلمان اپنے ملک کو قدامت پسند معاشرے سے نکال کر آزاد خیال معاشرے کی طرف لے جانا چاہتے ہیں جس کے لیے حال ہی میں متعدد سینما گھر بھی کھولے گئے ہیں۔

اس خبر پر اپنی رائے کا اظہار کریں